SAÍDA AO ACUARIO, MUNCYT E A CASA DAS CIENCIAS.

O  30 de xaneiro, o alumnado de 5º de Primaria foi a cidade da Coruña a visitar tres interesantes museos:

O MUNCYT, cuxa principal finalidade é a promoción do coñecemento e a cultura científica.
O Aquarium Finisterrae, que ten como obxectivo prioritario fomentar o coñecemento do océano e actitudes de respecto e agarimo cara ao mar e a vida mariña.
A Casa das Ciencias, que conta cun planetario e tes plantas de exposicións con módulos interactivos. Na planta baixa, hai una incubadora de pitiños cunha temperatura e humidade que permiten que as crías se desenvolvan por completo e logren romper a cáscara do ovo e, tras un breve descanso, camiñar, alimentarse e beber dun xeito autónomo. Os pitiños que nacen, repártense entre as granxas locais a través dunha empresa de educación ambiental.

O

PATRULLA VERDE: PLANTANDO ESGALLOS

 

POLA CANDELORIA METADE DO INVERNO FÓRA E SE CHOVE E FAI VENTO, METADE FÓRA E METADE DENTRO.

O 2 de febreiro é a festa das Candeas, o día do ano que casan os paxariños. Coñecedes algún refrán relativo a este acontecemento?  

“Pola Candeloria casan os paxariños e maila a galiñola” “Pola Candeloria ningunha ave voa soa”.

 Se vos cadra de pasar polo patio de columnas despois da hora de merendar poderedes observar a un par de pegas buscando algunha faragulla dos vosos bocadillos para  levar aos seus peteiros. Non fagades moito alborozo se vos interesa velos en acción. Xa queda menos para a chegada da primavera! A metade do inverno vai fóra!

A pega é unha das aves máis intelixentes. 

Como curiosidade a pega ten o seu córtex cerebral aproximadamente a mesma en tamaño relativo que a do cerebro dos chimpancés, gorilas, orengutáns e humanos. O corveo característico das pegas consiste nunha serie máis ou menos rápida de berros. Este son sérvelle de voz de alarma e ameaza para defender o seu territorio de cría. Os exemplares que non están a criar emíteno só en caso de perigo. Come tanto alimento animal como vexetal, Consome insectos e as súas larvas, arácnidos, vermes e caracois. Pode capturar vertebrados de ata o talle dun rato, lagartos, anfibios, paxaros pequenos. En outono froitas, sementes e cogomelos. Expulsa as partes indixeribles en forma de egagrópilas. 

Escoita o seu canto!

DÍA MUNDIAL DA EDUCACIÓN AMBIENTAL (EA)

 

O domingo 26 de xaneiro celebrouse o día mundial da Educación Ambiental (EA). Esta celebración ten a súa orixe no ano 1975 durante a celebración do Seminario Internacional de Educación Ambiental en Belgrado.

No colexio tratamos de concienciar a toda a comunidade educativa da importancia de coidar o noso centro en particular e o medio natural en xeral, desenvolvendo actividades máis sostibles, coñecendo mellor a natureza, reciclando axeitadamente, facendo un uso responsable dos recursos, fomentando o sentido crítico das problemáticas ambientais, levando a cabo pequenas accións cotiáns para a mellora ambiental da nosa contorna.

Flores de Kalanchoe no Xardín do Ferreiro

Ciclamen e hotel  de insectos

Aos pensamentos gústalles o inverno

Esta Monstera imos colocala no corredor

Preparando as macetas para o novo recanto verde 
da entrada por Xasmíns

Novo recanto verde en Xasmíns

Concentrados plantando Ciclamen.