AXUDANTES E AXUDANTAS DO HORTO

 TODOS OS RECREOS DOS MARTES E XOVES, ALUMNOS DE 3º E 5º AXUDAN A REGAR TODAS AS PLANTAS  DO COLE E CANDO O TEMPO O PERMITE TRABALLAR NO HORTO.

                                       MOITAS GRAZAS.

ESTADES A FACER UN LABOR MOI IMPORTANTE, ENRIQUECEDORA PARA TODO O ALUMANDO XA QUE DÍA A DÍA GOZAMOS DOS RECUNCHOS VERDES DO CENTRO E OS MINIHORTOS DO EXTERIOR..

TODAS FACEMOS CIENCIA

 TODAS FACEMOS CIENCIA: María Concepción Sánchez Fernández (Conchi) estivo nas aulas de 3º explicando a importancia de ser científica coma ela. E como día a día traballa na Universidade de Santiago, na MISIÓN BIOLÓXICA DE GALICIA, que depende do CSIC.

Ela traballa nun proxecto relacionado cas plantas e o solo. A CONSERVACIÓN DAS PLANTAS AUTÓCTONAS DE GALICIA. Clonan as plantas a través de esgallo , facendo cultivos in vitro.

Para conseguir eses cultivos utilizan :

• Azucre.
• Hormonas.
• Agar Agar.  
  
  
  

E sempre manexando todo con luvas para evitar os fungos e así non contaminar a monstra.

CASTIÑEIRO

Bosque autóctono de Galicia

O DÍA 11 DE FEBREIRO E O DÍA DA MULLER E A NENA NA CIENCIA..

NOVO RECUNCHO

 Os axudantes e axudantas do horto están a facer unha labor moi importante no cole, AXUDAR A POÑER VERDE O LÓPEZ FERREIRO.

 Fixemos un novo recuncho no 2º andar. 

Diana e Mariña foron as encargadas de poñer as flores.

Cal é a vosa opinión?

Eliximos as flores.

Empezamos a colocalas .

Rematado o recuncho.

CHARLAS CEIDA SOBRE O CAMBIO CLIMÁTICO.

 Durante os meses de outubro e novembro o alumnado de 5º e 6º de Primaria asistiu  a unhas charlas moi interesantes sobre o cambio climático.

É un tema moi actual que consideramos importante para aprender  coñecementos básicos e ver como afecta á nosa contorna.

As persoas encargadas de dar as charlas pertenecen a  CEIDA (Centro de atención universitaria e Divulgación Ambiental de Galicia)

 

Realizaron actividades moi interesantes, coma esta: Cal é a tua pegada ecolóxica ?
 Onde os propios alumnos é alumnas calculaban canta materia prima precisaban diariamente.

As charlas foron moi interesantes.

Durante unhas semanas, tivemos nos corredores de primaria unha exposición sobre o CAMBIO CLIMÁTICO , cedido por CEIDA

Buscaban información.

Fixeron traballos.

MINIHORTOS

 Como xa sabedes, cada 15 días lévase a cabo no centro os VENRES CREATIVOS onde o alumnado do López Ferreiro desfruta dun obradoiro impartido polo profesorado.

Un deses obradoiros está relacionado co medioambiente e chámase Horto, onde facemos pequenos hortos que imos colocando en diferentes zonas do colexio, para seguir co obxectivo do curso, que é facer verde o López Ferreiro.

Aquí tedes algunhas fotos.

Empezamos coñecendo as plantas que temos e que irmos poñer no horto.

Botamos a terra

Poñemos as plantas. É importante que o alumnado elixa o lugar onde colocamos cada unha delas... é o seu horto .

Sempre axudando…

Resultado final

Plantas polo cole.

Empezamos a poñer verde a escola: 😊

Dentro do recinto escolar estamos colocando diferentes plantas para que todos e todas iniciemos  a convivir con elas, tanto nos corredores dos diferentes andares, na dirección do centro, nas escaleiras e nas aulas…

Sempre contando coa axuda do alumnado para que comprendan a importancia de estar rodeados de verde e amosarlles os coidados  básicos da convivencia coas plantas.

O alumnado de infantil, colocou diferentes flores e plantas nas escaleiras que baixan  ao patio acristalado.

As esquinas  verdes comezan a verse  no López Ferreiro

 

Con xardineiras moi orixinais.

Os alumnos tamén traen plantas para compartir nas aulas.

Todos participamos.

Plantas nas fiestras de infantil.

En dirección tamén as podedes ver.

 

Empezamos

 Empezamos cun novo blog sobre o medioambiente na escola.

Este ano estamos a participar no Plan Proxecta+, ESCOLA VERDE, unha iniciativa da Conselleria de Cultura, Educación e Universidade en colabroración coa Vicepresidencia segunda y Consellería de Medio Ambiente, Territorio e Vivenda.

A través deste blog imos  mostrar todas as actividades que fagamos durante este curso 23-24.

                           

O obxectivo principal é poñer verde a nosa escola! Estamos rodeados/as de natureza, pero dentro do recinto escolar apenas temos espazos  verdes… polo que este curso iniciamos un proceso de cambio que esperemos que dure moitos anos.

O horto leva connosco uns anos e cada vez está máis presente na vida do alumnado.

 Este curso iniciamos a proposta dos AXUDANTES E AXUDANTAS DO HORTO nos cursos de 3º e 5º, o alumnado está moi implicado e entre todos e todas axudaremos a poñer verde a escola.